Orozko harana (Orozko)

Aste honetan Gorbea mendiaren magaletik etorritako taldea izan dugu. Orozko haranatik hain zuzen ere. Euskara garbian egiten zuten, eta hitz berri batzuk ikasi ditugu beraiekin. Primeran pasa dugu guztiok batera, eta mendian animalia pila bat ikusi ditugu: hogeita lau. Zorionak eta segi horrela.

Ama Guadalupekoa (Hondarribia)

Jaizkibel azpitik, talde jator hau etorri zaigu eta egun bikainak pasa ditugu elkarrekin. Ikasle jator eta alaiak, dantzari onak, beti jolasetan parte hartzeko prest eta beti umore onean.

Jarraitu horrela lagunak!!!

Aupa Alkiza!!! eta Aupa Hondarribi!!!

Ugaro (Legorreta) eta Errekalde (Oñati)

Hau izan da aste honetan izan dugu taldea. Legorretako Ugaro eta Oñatiko Errekalde eskoletako neska-mutilak. Zein baino zein jatorragoa, abeslari onak, sukaldari trebeak eta garrantzitsuagoa den zerbait, lagun ezin hobeak. 

Jarraitu horrela!

Aupa Oñati! eta Gora Legorreta!

Aranbizkarra (Gasteiz)

“Eguzkiaren lagunak” deitu diegu barnetegian Gasteizko Aranbizkarra ikastolako neska-mutilei. Aspaldiko partez, eguzkia gurekin izan da, lagun hauek eskatuta. Pozik, alai, elkarrekin dantza egiten, neskak mutilekin, mutilek neskekin, guztiekin… Horrela ibili gara lau egunetan. Eskerrik asko eta musu handi bat.

Zeanuri H.I. (Zeanuri)

Gorbea mendiaren magaletik, Ernio mendiaren magalera etorri zen Zeanuriko koadrila ez dugu ez berehalakoan ahaztuko. Askok guk geuk baino hobeto egiten zuten euskaraz, Arratia aldeko ukitu xarmant eta ederrarekin. Eskerrik asko hainbeste erakusteagatik, eta zareten bezalakoak izateagatik. 

San Vicente de Paul II (Irun)

Lagun hauek, Irungo San Vicente de Paul ikastetxeko lagunak dira, LH4 mailako ikasleak joan zen astean egondakoak bezala. Koadrila jatorra eta alaia hau ere. 

Eguraldia primekoa izan dugu eta oso ondo pasatu dugu beraiekin. Gainera, oso sukaldari onak dira eta beraiek egindako pasta guztiak jan ditugu. Ja, ja, ja.

Aupa koadrila! Gora Irun! eta gora San Vicenteko lagunak!

San Vicente de Paul I (Irun)

Hauek dira aste honetan gure artean izan ditugun lagunak. Irungo San Vicente de Paul ikastetxeko lagunak, LH4 mailako ikasleak. Koadrila jatorra eta alaia izan da, eta oso ondo pasatu dugu beraiekin. Orain 27 lagun berri ditugu. Ez al da horrela?

Gora Irun! eta gora San Vicenteko lagunak!

Plaentxi (Soraluze)

Aste honetan Plaentxi edo Soraluzeko ikastetxeko neska-mutilak izan ditugu. Eguraldia oso txarra izan dugu, triste egoteko modukoa, baina ezta pentsatu ere!!! Inoiz baino alaiago eta umoretsuago agertu dira. A! eta neska eta mutilen artean gertatutakoak, horiek ez ditugu kontatuko. Mila esker!!!

Aitor Ikastola (Donostia)

Hauek Aitor ikastolako lagunak dira. Oso dantzari onak eta alaiak izan dira, eta neskak eta mutilak primeran konpondu dira. Eguzkia ere beraiek ekarri dute, eta pasa ere egin dira pixka bat, ze azken egunean gehiegi berotu da. Eskerrik asko.

Amara Berri (Donostia)

Hauek dira aste honetan gure artean izan ditugun lagunak. Donostiako Amara Berri eskolako LH5 eta LH6-ko ikasleak dira. Koadrila jatorra eta alaia izan da, edozein ekintzetan parte hartzeko prest azaldu dira beti eta gu oso gustura egon gara beraiekin. Orain 30 lagun berri ditugu. Ez al da horrela?

Gora Donostia! eta gora Amara Berriko lagunak!

Cristobal Gamon (Errenteria)

Hau da aste honetan gurekin izan dugun koadrilla, Errenteriako Cristobal Gamon institutoko DBH1eko ikasleak dira. Oso jatorrak izan dira denak eta primeran pasatu dugu beraiekin.

Sukalde kontutan ere oso onak dira. Probatu egin behar dira egin dituzten pastak, ziur Argiñanok ez dituela hobeak egiten.

Aupa Koadrila, jarraitu horrela.!!!

Sasoeta-Zumaburu (Lasarte)

Aste honetan Lasarte-Oriako Sasoeta-Zumaburuko ikasle apartak izan ditugu. Oso trebeak izan dira gauza askotan, baina pastak egiten!!!  Jopela!!! Hemendik aurrera Lasarte-Oriara joango gara gozoak eta pastelak erostera. Bejondeizuela!!!

Mendaro Ikastola (Mendaro)

Mendarokoak etorri dira

Aste honetan gurera

Kopla hauen bidez, zer gertatu den

Kontatzen hasiko gera

Hamasei mutil ta hamar neska

nor baino nor jatorrago

barnetegia aste honetan

zoriontsuago dago

Txapelak eta painuloekin

izan genuen aukera

herrikoekin ospatutzeko

Santa Ageda bezpera

Zerbait berria ikasi gendun

eta hori ez da txarra

eskupilotan badaukagula

pixkat hobetu beharra

Neskak – mutilak; mutilak- neskak

lagunak ziren lehenago

lau egun hauek pasa ondoren

orain dira lagunago

Monitoreok halare gera

pena txiki baten jabe

Mendarakoen txokolatea

dugula probatu gabe

Maria Eugenia, Jesus, Irune

bihotzez eskerrik asko

guk zuei baino, askoz gehiago

eman diguzuelako

El Ave María (Bilbo)

Hemen duzue aste honetan gure artean izan dugun koadrila. Bilboko El Ave María ikastetzeko LH6 mailako lagunak. Oso ondo pasatu dugu beraiekin. Lagun jatorrak eta alaiak dira eta proposatutako ekintza guztietan parte hartzeko prest azaldu dira beti. 

Aupa koadrila!!!

            Jarraitu horrela!!!

Domingo Agirre (Legazpi)

Hauek dira aste honetan gure artean izan ditugun lagunak, Legazpiko Domingo Agirre ikastetxeko LH5. Koadrila jatorra benetan egun hauetan gure artean izan duguna, ikasle alaiak eta lagun onak.

Aupa Legazpi! eta Aupa Alkiza!

Jarraitu horrela koadrila!!!

San Pelayo (Ermua)

Oraingoan Ermuako San Pelayoko ikasleak izan ditugu. Gehien gustatzen zitzaiena zen neskak eta mutilak elkarrekin dantza egitea. Oso ondo konpontzen ziren eta oso giro ona zuten euren artean. A!, eta hitz egin! Hori da hitz egitea!! Ez ziren isildu ere egiten. Badakigu laster Ermuan okindegi bat jarrito dutela, pastak egiten oso onak direlako. Zorionak eta jarraitu horrela.

Teoriarik jakin ez arren, bizipenez baliatzeko, esperientziatik abiatzeko aukera dago beti.